BÖYÜK QAFQAZ VƏ KİÇİK QAFQAZ ƏRAZİSİNDƏ ÇAYLARDAN DAŞQIN VƏ SEL KEÇMİŞDİR
Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, fasilələrlə yağan leysan xarakterli yağışlar nəticəsində Böyük Qafqazın Balakən-Şəki, Quba-Qusar-Xaçmaz, Kiçik Qafqazın Daşkəsən-Göygöl bölgələrinin bəzi çaylarından qısamüddətli daşqın və sel keçmişdir.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirilmişdir ki, hazırda ən yüksək sululuq Quba-Xaçmaz bölgəsi çaylarında müşahidə olunur. Naxçıvan MR və Lənkəran-Astara bölgəsi çaylarında isə sululuq nisbətən aşağıdır.
Son günlər yağan yağışlar nəticəsində Mingəçevir su anbarından aşağıda Kür çayına tökülən çaylarda sululuğun kəskin artması ilə əlaqədar Kür çayının aşağı axınında səviyyələrin artımı müşahidə olunmaqdadır.
Bölmənin digər xəbərləri
