Britaniyada evdə işləyərək gəlir əldə edənlərin sayı artmışdır
London, 12 noyabr (AZƏRTAC). Rəsmi məlumatlara görə, Böyük Britaniyada evdə işləyərək gəlir əldə edənlərin, yəni “kottec sənayesi” ilə məşğul olan insanların sayı son on ildə 50 faizə qədər artmışdır.
Londonun milli statistika bürosundan verilən məlumatda deyilir ki, evdə işləyərək gəlir əldə etmək istəyən insanların sayı son 10 il ərzində 678 mindən 1 milyona çatmışdır.
Ən böyük artım Qlosestşayr, Surrey və Vorsestşayr şəhərlərinə yaxın kənd yerlərində müşahidə edilmişdir.
Bu insanlar geyim əşyaları, təmizlik məhsulları və digər məhsullar satmaqla qazanırlar.
Qeyd edək ki, Böyük Britaniyada bu cür işləyib gəlir əldə etmək “kottec sənayesi” adlandırılır.
Orxan İsmayılov
AZƏRTAC-ın xüsusi müxbiri
London
Bölmənin digər xəbərləri
