BRÜSSELDƏ TASİSİN 2 MİLYON AVRO DƏYƏRİNDƏ LAYİHƏSİ MÜZAKİRƏ OLUNMUŞDUR
Müsabiqə təkliflərinin müzakirəsində layihənin alıcı təşkilatının nümayəndəsi, AB-nin Azərbaycana texniki yardım proqramlarının Əlaqələndirmə Bürosunun (ƏB) icraçı direktoru Əsgər Ələkbərov da iştirak etmişdir.
Bürodan AZƏRTAC-ın müxbirinə bildirmişlər ki, müsabiqədə Böyük Britaniya, Belçika, Almaniya və Fransadan 5 şirkət iştirak etmişdir. Qeyd olunmuşdur ki, qalib gəlmiş şirkətlə Avropa Komissiyası arasında saziş hazırlandıqdan sonra firma kontraktor 2 milyon avro dəyərində iki illik layihəni həyata keçirməyə başlayacaqdır.
Layihədə TƏS-in ticarət iqtisadi və kommersiya müddəalarının həyata keçirilməsində, milli qanunvericilik normalarının Avropa qanunvericilik normalarına uyğunlaşdırılmasında Azərbaycana yardım göstərmək nəzərdə tutulur. Layihə işlərinə 2004-cü ilin yanvar ayında başlamaq qərara alınmışdır.
Bölmənin digər xəbərləri
