Bu il Azərbaycanda 26,4 milyard kubmetrdən çox əmtəəlik təbii qaz çıxarılıb
Bakı, 26 noyabr, AZƏRTAC
Yanvar-oktyabr aylarında Azərbaycanda 28 milyon 779 min ton xam neft (qaz kondensatı daxil olmaqla) və 35,7 milyard kubmetrdən çox təbii qaz hasil olunub. Həmin həcmdən 26 milyard 427 milyon kubmetr əmtəəlik təbii qaz alınıb.
Dövlət Statistika Komitəsindən AZƏRTAC-a bildirilib ki, 10 ayda mədənçıxarma sənayesində istehsalın ümumi dəyəri 26,5 milyard manat olmaqla əvvəlki ilin eyni aylarına nisbətən 1,6 faiz artıb.
Ölkədə əmtəəlik neft istehsalı 0,1 faiz azalıb, əmtəəlik qaz hasilatı isə 22 faiz artıb.
Bölmənin digər xəbərləri
