Bu il Daşkəsən rayonunda 4 modul tipli məktəb quraşdırılacaq
Daşkəsən, 26 aprel, Rauf Hacıyev, AZƏRTAC
Bu il Daşkəsən rayonunda 4 modul tipli məktəb inşa ediləcək. Hazırda rayonun Şahvələdli kənd ümumi orta məktəbi üçün modul tipli bina quraşdırılır.
Rayon icra hakimiyyətindən AZƏRTAC-ın bölgə müxbirinə bildirilib ki, dağ relyef şəraitinə malik olan Daşkəsəndə bu istiqamətdə görülən işlər Prezident İlham Əliyevin rayonlarda təhsil infrastrukturunun inkişafı ilə əlaqədar 2018-ci il 5 aprel tarixli Sərəncamı əsasında həyata keçirilir.
Görüləcək işlər çərçivəsində Daşkəsən rayonunun Almalı kəndində və Daşkəsən qəsəbəsində hər birində 56 şagird yerlik, Gurbulaq kəndində isə 40 şagird yerlik modul tipli ümumi orta məktəbin quraşdırılması nəzərdə tutulub.
Bölmənin digər xəbərləri
