Bu ilin 11 ayında neft məhsullarının istehsalının ümumi dəyəri 14 faizdən çox artıb
Bakı, 18 dekabr, AZƏRTAC
Bu ilin yanvar-noyabr aylarında ölkəmizdə neft məhsullarının istehsalı sahəsində istehsalın ümumi dəyəri 3 milyard 984,4 milyon manat olub.
Dövlət Statistika Komitəsindən AZƏRTAC-a bildirilib ki, bu da ötən ilin müvafiq dövrü ilə müqayisədə 14,6 faiz artım deməkdir.
Neft-kimya sənayesində istifadə üçün benzinin istehsalı 2,3 dəfə, sürtkü yağlarının istehsalı 60,9 faiz, neft koksunun istehsalı 30,9 faiz, dizel yanacağının istehsalı 19 faiz, avtomobil benzininin istehsalı 6,8 faiz, yanacaq mazutunun istehsalı isə 1,5 faiz artıb.
Bölmənin digər xəbərləri
