Bu ilin 6 ayı ərzində Dövlət Əmək Müfəttişliyi Xidmətində 22375 müraciət araşdırılaraq cavablandırılıb
Bakı, 6 iyul, AZƏRTAC
Yanvar-iyun ayları ərzində Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinə daxil olan 22 min 375 müraciət müvafiq qaydada cavablandırılıb. Onlardan 10 min 995-i müraciət, 11 min 380-i isə sorğu və məktubdur.
Bu barədə AZƏRTAC-a Dövlət Əmək Müfəttişliyi Xidmətindən məlumat verilib.
Bildirilib ki, xidmətin rəhbər vəzifəli şəxsləri və əməkdaşları tərəfindən fərdi qaydada qəbul edilən vətəndaşların sayı isə 5959 nəfər olub.
Daxil olan müraciətlər əsasən topdan və pərakəndə ticarət, avtomobillərin təmiri, tikinti, emal sənayesi, yaşayışın təşkili və ictimai iaşə, nəqliyyat və digər sahələrlə bağlı olub.
Hər bir müraciət qanunvericiliyin tələbləri əsasında cavablandırılıb, sorğu xarakterli müraciətlərə isə müvafiq izahatlar verilib.
Bölmənin digər xəbərləri
