Canciakouda Qış Olimpiya Oyunları üçün inşaat layihələri avqustadək başa çatdırılacaq
Pekin, 6 mart, AZƏRTAC
Çinin paytaxtı Pekin ilə yanaşı, Qış Olimpiya Oyunlarına ev sahibliyi edəcək Xebey vilayətinin Canciakou şəhərində oyunlarla əlaqədar bütün layihələr avqust ayınadək başa çatdırılacaq.
AZƏRTAC xəbər verir ki, Canciakou şəhərinin meri U Veydun yarışların keçiriləcəyi məkan və infrastruktur işləri ilə bağlı 76 layihənin 67-sinin indiyədək başa çatdırıldığını bildirib. Bu il başa çatacaq layihələr sırasında Pekin-Canciakou sürətli dəmir yolu xətti, Pekinin Yançin rayonu ilə Canciakou arasında avtomagistral, iki yarış zonası da var.
Qeyd edək ki, 2022-ci il Qış Olimpiya Oyunlarının bir neçə idman növü üzrə yarışları Pekindən 200 kilometr şimal-qərbdə yerləşən Canciakou şəhərində keçiriləcək.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
