“CHARACTERS 2026” pyes müsabiqəsi qaliblərinin adı açıqlanıb
Bakı, 10 mart, AZƏRTAC
10 Mart-Milli Teatr Günündə “CHARACTERS”” Müasir Dram Hərəkatı “EURODRAM”-Avropanın dram əsərlərinin tərcümə şəbəkəsi ilə əməkdaşlıq çərçivəsində Azərbaycan dilində yazılmış pyeslər üzrə keçirilən müsabiqənin yekun nəticələrini açıqlayıb.
Bu barədə AZƏRTAC-a festivalın kuratoru, dramaturq İsmayıl İman məlumat verib.
Əməkdar incəsənət xadimi, sənətşünaslıq doktoru, professor İsrafil İsrafilov, sənətşünaslıq doktoru, dosent Elçin Cəfərov, YUĞ Dövlət Teatrının rejissoru Mikayıl Mikayılov, Akademik Rus Dram Teatrının rejissoru Tural Mustafayev və ADMİU-nun Teatrşünaslıq kafedrasının müəllimi, teatrşünas Aliyə Dadaşovadan ibarət münsiflər heyəti “CHARACTERS 2026” dramaturgiya müsabiqəsinin üç qalibini müəyyən edib:
I yer – Jalə İsmayıl “Quyuda bitən qamışın monoloqu”
II yer – Abdulla Elşadlı “_”
III yer – Hacı Səfərov “Eyay”
Qaliblərə sertifikatlar aprel ayında təqdim olunacaq.
Xatırladaq ki, müsabiqəyə pyeslərin qəbulu 2025-ci il noyabrın 1-dən 2026-cı fevralın 15-dək davam edib. Müsabiqəyə 3 ölkə və 7 şəhərdən 17 müəllif tərəfindən 27 pyes təqdim olunub. Qalib pyeslər Azərbaycanın dövlət və özəl teatrlarına tövsiyə olunacaq.
Bölmənin digər xəbərləri
