“Çelsi” klubu heyətini gücləndirməkdə davam edir
Bakı, 8 sentyabr, AZƏRTAC
İngiltərənin “Çelsi” futbol klubu heyətini gücləndirməkdə davam edir.
AZƏRTAC xəbər verir ki, London təmsilçisi Fransanın “Renn” klubunun qapıçısı Eduard Mendini heyətinə qatıb.
İyirmi səkkiz yaşlı qolkiperlə dördillik razılıq əldə olunub. Klub Seneqal millisinin üzvünün keçidi üçün 18,2 milyon funt sterlinq təzminat ödəməyi qəbul edib.
Qeyd edək ki, Eduard ötən mövsüm Liqa 1-də keçirdiyi 24 oyunda 19 top buraxıb, 9 qarşılaşmada isə qapısını toxunulmaz saxlayıb.
Bölmənin digər xəbərləri
