Çexiya ölkədə anonim şirkətlərin fəaliyyətinə qarşıdır
Praqa, 26 avqust, AZƏRTAC
Çexiyanın vergi orqanları öz sahiblərinin şəxsiyyətini açıqlamağa tələsməyən özəl şirkətləri cərimələyəcəklər.
AZƏRTAC Çexiya KİV-lərinə istinadla xəbər verir ki, ölkənin Ədliyyə Nazirliyinin işləyib hazırladığı qanun layihəsinə görə, ilin sonunadək hakimiyyət orqanlarına özlərinin real sahibləri barədə məlumat verməkdən boyun qaçıran, yaxud bu prosesi ləngidən şirkətləri 2 min avro məbləğində cərimə gözləyir. Daha 9,5 min avro cərimə rəsmi reyestrlərdə düzgün olmayan məlumatın düzəlişində “unutqanlığa” görə ödəniləcək.
Hazırda qanun layihəsi qurumlararası razılaşma həddindədir. İndiyədək yalnız şirkətlərin 25 faizi vergi orqanlarının tələbini yerinə yetiriblər.
Ekspertlər bu qanun layihəsinin parlament tərəfindən qəbul olunacağına şübhə etmirlər.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
