Çexiyalıların üçdə ikisi qocalıqlarını qabaqcadan fikirləşirlər
Praqa, 14 may, AZƏRTAC
“UniCredit” bankı tərəfindən aparılan araşdırma göstərir ki, 30-40 yaş arası çexlərin 60 faizi öz qocalıqları üçün pul yığırlar. Bununla yanaşı, hələ 5 il əvvəl bu yaş qrupu üzrə göstərici 50 faizi ötmürdü. Pensiya yaşında həyatlarını təmin etməkdən ötrü onlar sərmayənin müxtəlif növlərini seçirlər. Sərmayə qoymanı 40-55 yaş arası qrupun nümayəndələrindən azı 30 faizi seçir.
AZƏRTAC xəbər verir ki, hazırkı 30 yaşlı çexiyalılar nəsli hər ay 2000 kron (77 avro) kapital qoyur. Müasir texnologiya və sosial şəbəkələrdən istifadə hesabına onlar yaşlı nəsildən daha fəaldırlar, dünya bazarındakı vəziyyəti izləyirlər. 30-40 yaş arası çexlərin 75 faizi səhmlərə, qiymətli kağızlara və payçılıq fondlarına sərmayə qoymaqla maraqlanırlar.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
