Çin alimləri: Yuxudan əvvəl gözəl musiqi dinləmək insanı nəcibləşdirir
Bakı, 14 iyul, AZƏRTAC
Ekspert Syao Tsin Xu başda olmaqla, bir qrup Çin mütəxəssisinin fikrincə, xeyirxah olmaq üçün rahat yatmaq və gözəl musiqi dinləmək lazımdır.
AZƏRTAC xarici KİV-lərə istinadla xəbər verir ki, alimlər iki qrupa ayrılmış könüllülərin insanlara qərəzli münasibətlərini islah etməyə çalışıblar.
Birinci qrupdakılar ağıllı sitatlar yazılmış qadın fotoşəkillərinə, digərləri isə nikbin fikirlər qeyd olunmuş afroamerikanların təsvirlərinə baxıblar. Sonra gözəl musiqi səsləndirilib və könüllülər bu musiqinin sədaları altında yuxuya gediblər. İkinci qrupdakılar dərin yuxuya gedəndən sonra musiqini dayandırıblar.
Məlum olub ki, həzin musiqi sədaları altında yatmaq insanları xeyirxah və dözümlü edir. Bu effekt bir həftə təsir göstərir. Hələlik musiqinin bu qədər müddət ərzində təsir göstərməsinin səbəbi məlum deyil, amma alimlər bu istiqamətdə iş aparırlar.
Bölmənin digər xəbərləri
