Çin yarımkeçiricilər sektoruna dəstək üçün 47,5 milyard dollarlıq fond yaradır
Bakı, 27 may, AZƏRTAC
Çin yarımkeçirici sənayesini inkişaf etdirmək məqsədilə 344 milyard yuan (47,5 milyard dollar) nizamnamə kapitalı ilə hökumət tərəfindən dəstəklənən planlaşdırılmış üçüncü investisiya fondu yaradır.
AZƏRTAC -ın Çin mətbuatına istinadla verdiyi xəbərə görə, Çinin Sədri Si Cinpin ölkənin yarımkeçiricilər sahəsində özünü təmin etməsinə nail olmağın vacibliyini vurğulamışdı. Pekinin hərbi imkanlarını artırmaq üçün qabaqcıl çiplərdən istifadə edə biləcəyi ilə bağlı narahatlıqları əsas gətirən Birləşmiş Ştatlar son bir neçə ildə müxtəlif ixrac nəzarəti tədbirləri tətbiq etdikdən sonra bu ehtiyac daha da artıb.
Üçüncü mərhələ kimi tanınan “Böyük Fond” inteqrasiya edilmiş mikrosxemlər sənayesi üzrə Çin İnvestisiya Fondu tərəfindən yönəldiləcək vəsaitlərin ən böyüyü olacaq.
“Böyük Fond” Çinin iki ən böyük çip fabriki, Yarımkeçirici İstehsalat Beynəlxalq Korporasiyası və “Hua Hong Semiconductor”a, həmçinin flash yaddaş istehsalçısı “Yangtze Memory Technologies” və bir sıra kiçik şirkət və fondlara maliyyə vəsaiti ayırır.
Bölmənin digər xəbərləri
