Çində bayram tətilində 888 milyon turist səfəri qeydə alınıb
Pekin, 9 oktyabr, AZƏRTAC
Çin Xalq Respublikasının yaranmasının ildönümü və Payız festivalı münasibətilə 8 günlük bayram tətilində ölkə daxilində 888 milyon turist səfəri qeydə alınıb.
AZƏRTAC xəbər verir ki, bu barədə Çinin Mədəniyyət və Turizm Nazirliyi məlumat yayıb. Bayram tətilində turizm sektorunda 809 milyard yuan (təxminən 113,8 milyard ABŞ dolları) dövriyyə qeydə alınıb ki, bu da ötənilki rəqəmdən 108 milyard yuan çoxdur.
Bayram tətilinin digər maraqlı məqamı isə ölkədaxili ümumi səyahətlərin çoxalmasıdır. Tətildə bütün növ nəqliyyat vasitələri ilə 2,43 milyard səfər qeydə alınıb. Bu da gündə 304 milyon səyahət deməkdir. Səyahətlərin təxminən 80 faizi fərdi avtomobillərlə reallaşıb. Bayram tətilində rekord da qeydə alınıb. Belə ki, tətilin ilk günündə - oktyabrın 1-də dəmir yolu nəqliyyatı ilə 23,13 milyon sərnişin daşınıb. Bu, Çində dəmir yolu ilə sərnişin daşınmasında gündəlik rekord göstərici olub.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
