DAŞKƏNDDƏ MUSİQİ FESTİVALI KEÇİRİLMİŞDİR

28.11.2003 [10:36]
Çap et
A⁺ A^-

Daşkənddəki Beynəlmiləl Mədəniyyət Mərkəzində paytaxtda fəaliyyət göstərən milli mədəniyyət mərkəzlərinin bir həftəlik dostluq və incəsənət festivalı başa çatmışdır. Festival “Özbəkistan bizim ümumi evimizdir” devizi ilə keçirilmişdir.

Musiqi bayramında Azərbaycan Mədəniyyət Mərkəzləri Assosiasiyası nəzdindəki “Bülbüllər” rəqs ansamblı rəqslərimizi, Daşkənddə tanınmış müğənni Yusif Əliyev muğam və xalq mahnılarımızı, İlham Abdullayev isə sazda qədim el havalarımızı ifa etmişlər.

Musiqi həftəsinin sonuncu günü finala çıxan ansambl və ifaçıların adları elan edilmişdir. Festivalda iştirak edən soydaşlarımız da finala çıxmış, onlara Daşkənd şəhər hakimiyyətinin fəxri fərmanı və qiymətli hədiyyələr verilmişdir.

Bu ayın sonunda “Türküstan” konsert salonunda finala çıxmış ansamblların böyük konserti olacaqdır.