Dəmiryol nəqliyyatı vasitələrini idarə etmək hüququnun verilməsi üçün ixtisas imtahanı təşkil olunacaq
Bakı, 4 iyul, AZƏRTAC
Dəmiryol nəqliyyatı vasitələrini idarə etmək hüququnun verilməsi üçün ixtisas imtahanının təşkili və keçirilməsi qaydası təsdiqlənib.
AZƏRTAC xəbər verir ki, Baş nazir Əli Əsədov bununla bağlı müvafiq Qərarı imzalayıb.
Bildirilib ki, Azərbaycan Respublikası Nazirlər Kabinetinin Qərarının qəbul edilməsi nəticəsində “Azərbaycan Dəmir Yolları” Qapalı Səhmdar Cəmiyyəti tərəfindən dəmiryol nəqliyyatı vasitələrini idarə etmək hüququnun verilməsi üçün ixtisas imtahanının səmərəli təşkili və keçirilməsi, həmçinin həmin şəxslərin dəmiryol nəqliyyatının texniki istismarı, həmin nəqliyyat növü üzrə hərəkətin təhlükəsizliyi, işarəvermə və rabitə, qatarların hərəkəti və manevr işlərini tənzimləyən hüquqi aktlar üzrə zəruri biliklərə və təcrübi vərdişlərə malik olması təmin ediləcək.
Bölmənin digər xəbərləri
