DƏNİZDƏ BİR TONDAN ARTIQ NARKOTİK MADDƏ TAPILMIŞDIR
AZƏRTAC-ın xüsusi müxbiri xəbər verir ki, İngiltərə sahillərinin yaxınlığında balıq ovu edən Fransa gəmisi dənizə atılmış toru yığarkən göyərtəyə hər biri 30 kiloqram olan 40 bağlama da qaldırılmışdır. Su keçirməyən xüsusi materiala bürünmüş bağlamalardan birini açan balıqçılar bunun narkotik maddə olduğunu biləndən sonra tapıntını Konkarno limanının gömrük xidməti orqanlarına məlumat vermişlər. Gömrük işçiləri 1100 kiloqram narkotik maddəni sahilə daşıyaraq məhv etmişlər. Qara bazarda onun qiyməti 3 milyon avrodur. Onların fikrincə, narkotikləri təyin olunan yerə aparmağa cəhd göstərən cinayətkar dəstə izləndiklərini görən kimi onu dənizə atmağa məcbur olmuşdur.
Bölmənin digər xəbərləri
