Deputat: Biz artıq üçüncü ildir müstəqilliyimizi qalib dövlət, qalib xalq kimi qeyd edirik
Bakı, 18 oktyabr, AZƏRTAC
Azərbaycanın müstəqilliyinin bərpa edilməsindən 32 il keçir. Biz artıq üçüncü ildir müstəqilliyimizi öz ərazi bütövlüyünü bərpa etmiş qalib dövlət, qalib xalq kimi qeyd edirik.
AZƏRTAC xəbər verir ki, bunu Milli Məclisin İqtisadi siyasət, sənaye və sahibkarlıq komitəsi sədrinin müavini Əli Məsimli komitənin oktyabrın 18-də keçirilən iclasında deyib.
Ə.Məsimli diqqətə çatdırıb ki, Azərbaycan Prezidentinin oktyabrın 15-də üçrəngli Bayrağımızı separatçılardan təmizlədiyimiz Xankəndidə, Xocalıda, Ağdərədə dalğalandırması hər birimizin qəlbini bir daha qürur hissi ilə doldurdu.
Deputat vurğulayıb ki, Azərbaycan xalqı və dövləti Prezident İlham Əliyevin rəhbərliyi ilə bundan sonra da daha böyük uğurlara imza atacaq.
Bölmənin digər xəbərləri
