Dilçilik İnstitutunda “Müasir Azərbaycan dili və nitq mədəniyyəti” adlı yeni bir şöbə yaradılacaq
Bakı, 9 yanvar, AZƏRTAC
Azərbaycan Milli Elmlər Akademiyasında Azərbaycan dilinə, xüsusilə ana dili və dövlət dili siyasətinə dair Prezident İlham Əliyev tərəfindən müəyyən edilmiş realist strategiyanın əməli fəaliyyətdə reallaşdırılması istiqamətində mühüm addımlar atılır.
Bu sözləri AZƏRTAC-a açıqlamasında AMEA-nın prezidenti, akademik İsa Həbibbəyli söyləyib.
O bildirib ki, Akademiyanın Rəyasət Heyətində keçirilən sonuncu iclasda bu istiqamətdə bir sıra qərarlar qəbul edilib: “Belə ki, Nəsimi adına Dilçilik İnstitutunun nəzdində artıq fəaliyyət göstərən Müasir Azərbaycan dili şöbəsinin bazasında mövcud imkanlar hesabına “Müasir Azərbaycan dili və nitq mədəniyyəti” adlı yeni bir şöbənin yaradılması barədə qərar qəbul olunub. Eyni zamanda, Azərbaycan dilinin milli terminologiya korpusunun hazırlanması istiqamətində görülən işlərin sürətləndirilməsi, inkişaf etdirilməsi və bu materialların geniş ictimaiyyətə çatdırılması ilə bağlı müvafiq tədbirlərin həyata keçirilməsi də qarşıya mühüm vəzifə kimi qoyulub”.
Bölmənin digər xəbərləri
