“Dilmanc” layihəsi elmi tədqiqatçılar və proqramçılar axtarır
Bakı, 17 may, AZƏRTAC
“Dilmanc” layihəsi riyaziyyat sahəsində elmi tədqiqatçıları və proqramçıları işə dəvət edir.
Layihə qrupundan AZƏRTAC-a verilən məlumata görə, mütəxəssislər intellektual axtarış alqoritmləri, şifahi sorğuların avtomatik cavablandırılması və qurğuların səslə idarə olunmasında, habelə nitqin başqa nitqə avtomatik tərcüməsi və digər sistemlərin yaradılmasında iştirak edəcəklər.
Layihənin elmi tədqiqat qrupu proqramçılarla sıx əlaqədə işləyir. Elmi yeniliklərin praktik məhsula çevrilməsi üçün paylanmış hesablama sistemlərindən (Hadoop və MapReduce), çoxnüvəli qrafik prosessorlardan və digər müasir proqramlaşdırma üsullarından istifadə olunur.
Bölmənin digər xəbərləri
