DÖVLƏT KOMİTƏSİNİN SƏDRİ AVSTRİYA, LATVİYA VƏ LİTVADA OLACAQDIR
Komitədən AZƏRTAC-a verilən məlumata görə, nümayəndə heyəti Avstriyada təhsil alan azərbaycanlı tələbələrlə görüşəcək, onların yaratdıqları tələbə cəmiyyətlərinin işi ilə tanış olacaq, problemləri ilə maraqlanacaqdır.
Oktyabrın 6-da isə Azərbaycan nümayəndə heyəti Latviyanın cəmiyyətin inteqrasiyası məsələlərində xüsusi tapşırıqlar üzrə naziri Nils Muyjnieksin dəvəti ilə Riqaya gedəcək, buradakı “Azəri” cəmiyyətinin 15 illiyinə həsr olunmuş mərasimdə iştirak edəcəkdir.
Sonra isə nümayəndə heyəti Litva hökuməti yanında Regional problemlər və milli azlıqlar departamentinin baş direktoru Antanas Petrauskasın dəvəti ilə Vilnüsdə bir sıra görüşlər keçirəcək, “Litva Azərbaycanlıları Cəmiyyəti”nin fəaliyyəti ilə tanış olacaqdır.
Bölmənin digər xəbərləri
