Dövlət Neft Şirkətinin “Fransada təhsil” layihəsinə sənəd qəbulunun müddəti uzadılmışdır
Bakı, 30 oktyabr (AZƏRTAC). Azərbaycan Respublikası Dövlət Neft Şirkətinin (ARDNŞ) “TOTAL” şirkəti ilə əməkdaşlığı çərçivəsində həyata keçirilən “Fransada təhsil” proqramına sənəd qəbulunun müddəti uzadılmışdır.
ARDNŞ-in insan resursları departamentindən AZƏRTAC-a bildirmişlər ki, proqrama müraciət etmək istəyənlər www.socar.az/tehsil veb-səhifəsindən “Xarici təqaüd” proqramının şərtlər və suallar bölməsi ilə tanış olduqdan sonra elektron müraciət formasını dolduraraq qeydiyyatdan keçə bilərlər.
Fransada tələbələr həm ingilis, həm də fransız dillərində təhsil almaq hüququna malikdirlər. İngilis dilində təhsil almaq istəyən tələbələr www.socar.az/tehsil veb-səhifəsində qeyd olunmuş sənədlərdən 5 və 12, fransız dilində təhsil almaq istəyənlər isə 5, 7 və 12-ci bəndlərdə qeyd olunan sənədləri çıxmaq şərti ilə digər sənədləri noyabrın 15-dək hazırlayıb [email protected] elektron ünvanına göndərə bilərlər.
Müsabiqədən uğurla keçən və fransız dilində təhsil almaq istəyən namizədlər ARDNŞ-in hesabına intensiv fransız dili kurslarında iştirak etmək hüququ əldə edəcəklər.
Bölmənin digər xəbərləri
