Dövlət qurumlarının “Elektron hökumət” portalına inteqrasiyası sürətləndirilir
Bakı, 15 noyabr (AZƏRTAC). Azərbaycanın dövlət qurumlarının elektron xidmətlərinin “Elektron hökumət” portalına inteqrasiyası sürətləndirilir.
Rabitə və İnformasiya Texnologiyaları Nazirliyindən AZƏRTAC-a bildirmişlər ki, ilkin mərhələdə mərkəzi icra hakimiyyəti orqanlarının portala inteqrasiyası işləri aparılır. Növbəti mərhələdə isə yerli icra hakimiyyəti orqanlarının və bələdiyyələrin qoşulması nəzərdə tutulmuşdur.
Azərbaycanda 426 elektron xidmət təsdiq olunmuş, dövlət qurumlarının saytlarında 407 elektron xidmət yerləşdirilmişdir.
Bölmənin digər xəbərləri
