DÖVLƏT SƏRHƏD XİDMƏTİNİN ƏMƏKDAŞLARI İRANDAN ÖLKƏMİZƏ NARKOTİK MADDƏ KEÇİRİLMƏSİNİN QARŞISINI ALMIŞLAR
AZƏRTAC xəbər verir ki, Dövət Sərhəd Xidmətinin (DSX) əməkdaşları tərəfindən narkotik vasitələrin qanunsuz dövriyyəsinə qarşı bir sıra səmərəli tədbirlər həyata keçirilmişdir.
DSX-nin mətbuat mərkəzindən bildirmişlər ki, iyulun 3-də Füzuli rayonunun “N” saylı sərhəd zastavasının ərazisində dövlət sərhədini İran ərazisindən pozaraq ölkəmizə 300 qram heroin keçirən iki Azərbaycan vətəndaşı saxlanılmışdır.
Faktla bağlı Dövlət Sərhəd Xidmətinin İstintaq və Təhqiqat İdarəsində cinayət işi açılmışdır, hazırda əməliyyat-istintaq tədbirləri davam etdirilir.
Ölkə ərazisində “Xaşxaş - 2008” şərti adı altında həyata keçirilmiş kompleks əməliyyat-axtarış tədbirləri nəticəsində iyunun 30-da Yardımlı rayonunun Arvana kəndi ərazisində 2 hektar sahədən 2 ton 800 kiloqram, iyulun 4-də isə Lerik rayonunun Hilədərə ərazisindən 2 ton yabanı halda bitmiş xaşxaş kolu yığılaraq məhv edilmişdir.
Bölmənin digər xəbərləri
