“Driblinq şou” yarışının qalibləri məlum olub
Bakı, 12 aprel, AZƏRTAC
“Avro-2020” Könüllülər Proqramı çərçivəsində təşkil olunan “Driblinq şou” yarışının qalibləri məlum olub.
AZƏRTAC AFFA-ya istinadla xəbər verir ki, yarışda 97 könüllü iştirak edib.
Finalın münsif qonağı Nüqzar Kvirtiya tərəfindən ən yaxşı 3 iştirakçı seçilib və mükafatlandırılıb.
Harun Hacıyev bütün rəqiblərini qabaqlayaraq birinci olub. Amin Rzayev yarışı ikinci, Ümid Mahmudov isə üçüncü pillədə başa vurublar.
Final mərhələsinə vəsiqə qazanan iştirakçılar Bakı Olimpiya Stadionunda öz driblinqlərini Nüqzar Kvirtiya ilə birgə yenidən təkrarlayıb.
Qaliblərə hədiyyələr AFFA-nın Texniki direktoru Cahangir Həsənzadə tərəfindən təqdim edilib.
Bölmənin digər xəbərləri
