DST EKSPERTLƏRİ UŞAQLARIN SAĞLAMLIĞINA DAİR BİRGƏ FƏALİYYƏT PLANI HAZIRLAYIRLAR
Dünya Səhiyyə Təşkilatının ekspertləri işçi qruplarının Vyanada keçirilmiş görüşündə “Ətraf mühitə və uşaqların sağlamlığına dair Avropa fəaliyyət planı”nın layihəsini müzakirə etmişlər. Görüşdə Azərbaycanı “Ətraf mühitin gigiyenası” milli proqramının əlaqələndiricisi Fuad Mərdanlı təmsil etmişdir.
DST-nin Bakıdakı nümayəndəliyindən AZƏRTAC-ın müxbirinə bildirmişlər ki, bu plan Avropa ölkələri səhiyyə nazirlərinin 2004-cü ildə Budapeştdə keçiriləcək müşavirəsində qəbul olunacaqdır. Bu baza planı əsasında milli fəaliyyət proqramları hazırlanacaqdır. Yekun variant hazırlamaq üçün ekspertlər daha iki görüş keçirməyi planlaşdırırlar.
Bölmənin digər xəbərləri
