DÜNYA BANKININ EKSPERTİ İLƏ GÖRÜŞ OLMUŞDUR
Görüşdə “Kənd təsərrüfatının inkişafı və kreditləşməsi” layihəsinin ikinci mərhələsində “Dövlət Baytarlıq Xidmətinin epidemiologiya hissəsinin modernləşdirilməsi, özəl baytarlıq xidmətinin inkişaf etdirilməsi” proqramının yaradılması məsələsi müzakirə olunmuşdur. Proqramda epidemioloji qrupun yaradılması, xəstəliklərin uçot-hesabat sisteminin modernləşdirilməsi, yerli mütəxəssislərə təlim keçilməsi və informasiya texnologiyasının yaradılması nəzərdə tutulur.
Ölkəmizə üçhəftəlik səfərə gələn P.Mürhauzun tanışlıq məqsədi ilə Beyləqan və Şəki regionlarını əhatə edən baytarlıq idarələri, zona baytarlıq laboratoriyaları və özəl baytarlıq məntəqələri ilə tanış olacağı diqqətə çatdırılmışdır. Sonra Dünya Bankı eksperti yenidən DBX-nin rəisi ilə görüşəcək, layihəyə daxil olan proqramın dəqiqləşdirilməsi müzakirə ediləcəkdir.
Bölmənin digər xəbərləri
