DÜNYANIN ƏN QORXULU KURORTLARININ SİYAHISI TƏRTİB EDİLMİŞDİR

11.07.2006 [19:29]
Çap et
A⁺ A^-

AZƏRTAC xəbər verir ki, Britaniyanın “Teleqraf” qəzetinin yazdığına görə, ölkənin “Norviç Yunion Trəvl İnşuənəns” sığorta şirkəti xarici ölkələrdə zəhərlənmə, qarət və qəza qurbanlarına kompensasiya statistikasını təhlil edərək, turistlər üçün ən qorxulu kurortları müəyyənləşdirmişdir.

Ötən il ərzində cəmi 60 min müraciətə baxılmışdır. Britaniyalı səyahətçilər Tailanddan qayıdarkən sığorta kompensasiyası almaq üçün daha tez-tez müraciət edirlər.

Qarətlərin qurbanları əsasən, Cənubi Afrikada istirahət etmək istəyənlər olurlar. Onların çox vaxt baqajları da itir.

Lakin nəzərə çarpmayan qarətlər daha çox Çexiyada baş verir və bu ölkədə turistlər cibgirlərin qurbanına çevrilirlər.

Snoubordçular və xizəkçilər üçün ən təhlükəli yer Avstriyadır, çünki məhz orada idmançılar daha tez-tez dağ xizəyi zədələri alırlar. Mığmığa sancmasına allergiyası olanlar isə Karib hövzəsi kurortlarından qaçmalıdırlar, çünki zəhərli tropik həşəratın sancması təhlükəsi çox böyükdür.

Məzuniyyət üçün ən təhlükəsiz yerlər İrlandiya, Belçika, Hollandiya, Almaniya və Fransadır.