Efiopiyada Afrika İttifaqı İcraiyyə Komitəsinin 36-cı sessiyası keçirilir
Bakı, 6 fevral, AZƏRTAC
Efiopiyanın paytaxtı Əddis-Əbəbədə Afrika İttifaqı İcraiyyə Komitəsinin 36-cı sessiyası keçirilir. AZƏRTAC təşkilatın rəsmi saytına istinadla xəbər verir ki, iclasa Misirin Xarici İşlər naziri Sami Şükrü sədrlik edir.
İclasın açılışında Afrika İttifaqına sədrlik edən Misirin Xarici İşlər nazirinin müraciəti dinlənilib. O qeyd edib ki, sessiyada müzakirə olunan məsələlərlə bağlı qərarlar bazar və bazar ertəsi günləri keçiriləcək Afrika İttifaqı dövlət başçılarının 33-cü sammitinin gündəliyinə daxil ediləcək.
Sessiyanın gündəliyinə Afrika dövlətlərini narahat edən məsələlər, o cümlədən qaçqınlar və məcburi köçkünlər, silahlı münaqişələrin nizamlanması məsələləri daxil olunub.
Bölmənin digər xəbərləri
