Əfqanıstanda hökumət qüvvələri “Taliban”ın hücumunun qarşısını alıb
Bakı, 15 may, AZƏRTAC
Əfqanıstanın güc strukturları ABŞ Hərbi Hava Qüvvələrinin dəstəyi ilə “Taliban” hərəkatının Fərah şəhərinə hücumunun qarşısını ala bilib.
AZƏRTAC xarici KİV-lərə istinadla xəbər verir ki, bu barədə NATO-nun Əfqanıstandakı missiyasının komandanlığı məlumat yayıb.
“Fərah şəhəri hökumət qüvvələrinin nəzarəti altındadır. Əfqanıstanın güc strukturları ABŞ Hərbi Hava Qüvvələrinin dəstəyi ilə “Taliban” hərəkatına qarşı əks-hücuma keçib”, - deyə missiyanın “Twitter” səhifəsində bildirilir.
Xatırladaq ki, mayın 15-də səhər saatlarında “Taliban” hərəkatının silahlıları Əfqanıstanın qərbində yerləşən Fərah vilayətinin eyni adlı administrativ mərkəzinə hücum etmişdi. Taliblər şəhərin bir neçə rayonunda irəliləməyə və Milli Təhlükəsizlik İdarəsinə yaxınlaşmağa müvəffəq olmuşdu.
Bölmənin digər xəbərləri
