Əfqanıstanda partlayış nəticəsində azı 8 nəfər həlak olub
Bakı, 22 may, AZƏRTAC
Əfqanıstanın Qəzni əyalətində törədilən partlayış nəticəsində azı 8 nəfər həlak olub, 17 nəfər yaralanıb.
AZƏRTAC Pajvak informasiya agentliyinə istinadla xəbər verir ki, bu barədə əyalət qubernatorunun nümayəndəsi Arif Nuri deyib.
İnsident Qəzni əyalətinin eyni adlı administrativ mərkəzində baş verib. Partlayıcı qurğu “Humvee” markalı avtomobildə quraşdırılıb. Polis dayanmaq barədə əmrə tabe olmayan kamikadzenin idarə etdiyi avtomobili raket atəşinə tutub.
İlkin məlumata görə, həlak olanların dördü hücum edən silahlılar, ikisi təhlükəsizlik qüvvələrinin əməkdaşı, iksi isə mülki şəxsdir.
Bölmənin digər xəbərləri
