Əhliman Əmiraslanov: Ölkədə icbari tibbi sığortanın tətbiqi ilə bağlı irəliləyişlər var
Bakı, 20 sentyabr, AZƏRTAC
Ölkəmizdə icbari tibbi sığortanın tətbiqi ilə bağlı irəliləyişlər vardır.
AZƏRTAC xəbər verir ki, bunu Milli Məclisin Səhiyyə komitəsinin sədri Əhliman Əmiraslanov sentyabrın 20-də komitənin payız sessiyasında keçirilən ilk iclasında deyib.
Səhiyyə komitəsinin sədri diqqətə çatdırıb ki, icbari tibbi sığorta sahəsində problemlər əsasən onkoloji xəstələrlə bağlıdır. Bildirilib ki, dövlət tərəfindən xəstəxanalar mümkün preparatlarla təmin olunur. Amma elə xidmətlər var ki, onlar icbari tibbi sığorta hesabına aparılmalıdır.
Əhliman Əmiraslanov qeyd edib ki, icbari tibbi sığorta sahəsində xidmətlərlə bağlı insanların məmnunluğu yüksəkdir.
Bölmənin digər xəbərləri
