“EKOL MÜHƏNDİSLİK XİDMƏTLƏRİ “ QSC İYUNU UĞURLU NƏTİCƏLƏRLƏ BAŞA VURMUŞDUR
AZƏRTAC xəbər verir ki, “Ekol Mühəndislik Xidmətləri” QSC cari ilin iyununda sifarişçi təşkilatlarla birgə ekoloji layihələrin həyata keçirilməsi və ətraf mühitə mənfi təsirin azaldılması istiqamətində xeyli iş görmüşdür. Dövlət Neft Şirkətindən bildirmişlər ki, hesabat dövründə Heydər Əliyev adına Bakı Neft Emalı Zavodunun, “Azərneftyağ” Neft Emalı Zavodunun istehsalat sahələrində və “Bibiheybətneft“ NQÇİ-nin mədən ərazilərində formalaşmış 2 milyon 129 min kubmetr sənaye-çirkab suyu təmizlənmiş, 11 min 845 ton neft-şlam emal olunaraq zərərsizləşdirilmişdir. “Bibiheybətneft“ NQÇİ-nin mədən ərazisindəki neftlə çirklənmiş 10 hektar torpaq sahəsi rekultivasiya olunaraq yararlı hala salınmışdır.
Bölmənin digər xəbərləri
