İQTİSADİYYAT
EKSPERTLƏR ELEKTRİK STANSİYASI TİKİNTİSİNİ QİYMƏTLƏNDİRMİŞLƏR
“Azərenerji” SC-nin mətbuat xidmətindən AZƏRTAC-ın müxbirinə bildirmişlər ki, Sumqayıtda elektrik stansiyası tikintisinin layihəsinin texniki-iqtisadi əsaslandırılmasının (TİƏ) qabaqcadan örənilməsi ekspertlərə onun tikintisinin 300 milyon dollardan artıq məbləğə tamam olacağı qənaətinə gəlməyə imkan vermişdir. TİƏ-ni “Azərenerji”nin və layihənin texniki məsləhətçisi olan Finlandiyanın “Enprima” şirkətinin mütəxəssisləri hazırlamışlar. İndi Finlandiya mütəxəssisləri tenderin şərtləri üzərində işləyirlər. İddiaçı şirkətlər öz təkliflərini həmin şərtlərə uyğun olaraq hazırlayacaqlar.
Nəzərdə tutulan tikinti üçün sahənin hazırlanması işlərinin təqribən 90 faizi görülmüşdür.