ELÇİN ƏMİRASLANOVUN QULDUR DƏSTƏSİNİN DAHA BİR ÜZVÜ TUTULMUŞDUR
Azərbaycan və Ukrayna daxili işlər orqanları əməkdaşlarının həyata keçirdikləri birgə əməliyyat tədbiri nəticəsində Vətənə xəyanətə görə 1995-ci ildən axtarışda olan Qazax rayon sakini Təhsin Məmmədov Xarkov şəhərində yaxalanmışdır. O, 1995-ci il mart dövlət çevirilişinə cəhdin təşkilatçılarından olan qatı dövləti cinayətkar Elçin Əmiraslanovun qiyamçı dəstəsinin fəal üzvlərindən biridir.
Daxili İşlər Nazirliyinin mətbuat xidmətindən AZƏRTAC-a bildirmişlər ki, hazırda Respublika Prokurorluğu Təhsin Məmmədovun ekstradisiyası ilə bağlı prosedur məsələlərlə məşğul olur.
Respublikanın daxili işlər orqanları dövlətçiliyimizin və müstəqilliyimizin əleyhinə ağır cinayətlər törədərək, istintaqdan yayınan digər şəxslərin də tapılıb tutulması istiqamətində əməliyyat-axtarış tədbirlərini davam etdirirlər.
Bölmənin digər xəbərləri
