Elektron diplomlara keçid prosesi üzrə işlər davam etməkdədir
Bakı, 4 may, AZƏRTAC
Elektron diplomlara keçid prosesi üzrə işlər davam etməkdədir.
AZƏRTAC xəbər verir ki, bunu jurnalistlərə açıqlamasında elm və təhsil naziri Emin Əmrullayev deyib.
Nazirin sözlərinə görə, bunun üçün bəzi məlumatların digər qurumlardan inteqrasiya olunmasına ehtiyac var: “Eyni zamanda, elektron diplomlara keçid ilə bağlı qanunvericilikdə dəyişikliklər olunmalıdır. Elm və Təhsil Nazirliyi olaraq buna hazırıq. Ali təhsil müəssisələrinin bütün məlumat sistemləri toplanılıb. Burada vətəndaşların tələbə qəbulu prosesi, təhsil alan tələbələr və tələbə-məzun məlumatları yer alır. Vətəndaşlar məlumat bazası ilə diplomlarının həqiqiliyini onlayn qaydada yoxlaya bilərlər”.
Bölmənin digər xəbərləri
