ƏLİLLƏR DİQQƏT VƏ QAYĞIDAN KƏNARDA QALMIR
Əmək və Əhalinin Sosial Müdafiəsi Nazirliyi beynəlxalq əlillər günü ilə əlaqədar tabeliyindəki idarələrdə bir sıra tədbirlər keçirmişdir. Nazirliyin mətbuat xidmətindən AZƏRTAC-a bildirmişlər ki, nazirin birinci müavini İlqar Rəhimov Saray qəsəbəsində əlillər üçün 7 nömrəli internatda keçirilən yığıncaqda əlillərə dövlət qayğısından, onların sosial vəziyyətini yaxşılaşdırmaq üçün görülən tədbirlərdən danışmışdır. Yığıncaqdan sonra Sumqayıtın “Yeni həyat” instrumental ansamblının və internat şagirdlərinin iştirakı ilə konsert olmuşdur.
Nazirin müavini Şəmsəddin Xanbabayevin və Xəzər Dəniz Gəmiçiliyi rəhbərliyinin iştirakı ilə Mərdəkandakı müharibə və əmək əlilləri üçün pansionatda keçirilən tədbirdə süfrə açılmış, konsert verilmişdir.
Bölmənin digər xəbərləri
