Əmlak Məsələləri Dövlət Xidmət hansı rəqəmsal alətləri tətbiq edir?
Bakı, 14 may, AZƏRTAC
“Ağıllı şəhər” konsepsiyasının mərkəzində şəffaf torpaq və əmlak məlumatları dayanır. Əmlak Məsələləri Dövlət Xidmət bu istiqamətdə hansı rəqəmsal alətləri tətbiq edir və bu dəyişiklikləri vətəndaş gündəlik həyatında necə hiss edəcək?
Dövlət Xidmətindən AZƏRTAC-ın sorğusuna cavab olaraq bildirilib ki, məkan məlumatlarının idarə olunması, daşınmaz əmlakın kadastrı, qeydiyyatı və qiymətləndirilməsi sistemlərinin modernləşdirilməsi dövlətin sosial-iqtisadi inkişafında, eləcə də dayanıqlı şəhərsalma və əmlak bazarının şəffaflığında mühüm əhəmiyyət kəsb edir.
“Əmlak Məsələləri Dövlət Xidməti torpaq və əmlak məlumatlarının idarə olunmasında bir sıra rəqəmsal alətlər tətbiq edir. Bunlara elektron kadastr sistemləri, onlayn reyestr xidmətləri, coğrafi informasiya sistemləri (GIS) və inteqrasiya olunmuş məlumat platformaları daxildir. Bu alətlər vasitəsilə vətəndaşlar əmlak qeydiyyatı, çıxarışların alınması və digər xidmətləri daha sürətli və şəffaf şəkildə əldə edə bilirlər. Nəticədə, vaxt itkisi azalır, korrupsiya riskləri minimuma enir və dövlət-vətəndaş münasibətlərində etibar güclənir”, - deyə qurumdan bildirilib.
Bölmənin digər xəbərləri
