ƏMTƏƏ DÖVRİYYƏSİNİN VƏ PULLU XİDMƏTLƏRİN HƏCMİ ARTMIŞDIR
Dövlət Statistika Komitəsindən AZƏRTAC-a bildirmişlər ki, ilin birinci yarısında ticarət şəbəkələrindən əhaliyə 2 milyard 698,2 milyon manatlıq və ya ötən ilin müvafiq dövründəkindən 12,1 faiz çox geniş çeşidli müxtəlif istehlak malları satılmışdır. İstehlakçılara malların 17,7 faizi hüquqi şəxslər, 82,3 faizi isə fərdi sahibkarlar tərəfindən çatdırılmışdır. Əmtəə dövriyyəsinin 1 milyard 762,2 milyon manatını ərzaq, 936 milyon manatını qeyri-ərzaq malları təşkil etmiş və onların satışı ötən ilin 6 ayı ilə müqayisədə müvafiq olaraq 9,6 faiz və 17,6 faiz artmışdır.
Ötən 6 ayda əhaliyə 603,6 milyon manatlıq və ya keçən ilin yanvar -iyun aylarının səviyyəsindən 34,6 faiz çox pullu xidmətlər göstərilmişdir. Xidmətlərin 74,5 faizi hüquqi, 25,5 faizi fiziki şəxslərin payına düşmüş və onlar əhaliyə müvafiq surətdə 39,7 faiz və 21,7 faiz çox xidmət göstərmişlər.
Bölmənin digər xəbərləri
