Epilepsiya xəstəliyi olan gənclərə kömək məqsədilə Ağcabədidə təlim keçirilib
Bakı, 12 avqust, AZƏRTAC
“Ümman” Əlil Uşaqlara Qayğı İctimai Birliyi tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə icra edilən “Bir kömək-bir həyat” epilepsiya xəstəliyi olan gənclərə kömək!” layihəsi çərçivəsində növbəti təlim Ağcabədi rayonunun 7 saylı uşaq və körpələr evində həyata keçirilib.
İctimai Birlikdən AZƏRTAC-a bildirilib ki, layihənin məqsədi epilepsiya xəstəliyi olan gənclərə kömək etməklə onların cəmiyyətdə rahat gəzmələrini təmin etməkdir.
Qrup şəklində təşkil olunmuş təlimlərdə anonim dinləmələr üçün də yer ayrılıb. Üzünün görünməsini istəməyən xəstələr üçün ayrıca şərait yaradılıb. Təlim iştirakçılarına həkim-nevroloq tərəfindən epilepsiyanın inkişaf dövrü və müalicəsi, bu xəstələrə ilkin tibbi yardımın göstərilməsi qaydaları haqqında məlumat verib.
Bölmənin digər xəbərləri
