ERMƏNİLƏRİN TÜRKİYƏDƏ TÖRƏTDİKLƏRİ QIRĞINLARIN QURBANLARININ AİLƏLƏRİ SƏYLƏRİNİ ARTIRIRLAR
Həmin dövrdə uşaq və qadınlar da daxil olmaqla, yüz minlərlə günahsız insanın amansızcasına qətlə yetirilməsini və bir milyona yaxın insanın canlarını qurtarmaq üçün ölkənin digər bölgələrinə köçməsini sənədli faktlarla əsaslandıran toplantı iştirakçıları, həmin sarsıntıların bu bölgədə dərin izlər buraxdığını bildirmişlər. Federasiyanın yaydığı bəyanatda deyilir ki, ermənilərin törətdikləri qırğından 90 il keçməsinə baxmayaraq, bölgənin şəhər və kəndlərində hələ də yaxınlarının faciəsini yaşayan və itkin düşmüş qohumlarını axtaran ailələr çoxdur. Bu ailələr ermənilərin qondarma “soyqırımı” iddialarını dünyada sülhə və öz uşaqlarının gələcəyinə ciddi təhlükə hesab edirlər. Bu baxımdan, təşkilat üzvləri erməni quldur dəstələrinin türklərə qarşı törətdikləri qırğını dünya ictimaiyyətinə çatdırmaq üçün daha məqsədyönlü fəaliyyət göstərmək barədə qərar qəbul etmişlər.
Bölmənin digər xəbərləri
