ERMƏNİSTAN “SOYQIRIMI”NI QƏBUL ETDİRMƏKLƏ TÜRKİYƏYƏ QARŞI TORPAQ İDDİASI İRƏLİ SÜRMƏK İSTƏYİR
AZƏRTAC xəbər verir ki, bu sözləri Prezident İlham Əliyev Türkiyənin “Cümhuriyyət” qəzetinə müsahibəsində vurğulayaraq demişdir: “Birincisi, soyqırımı olmayıbdır. Onlar bütün dövrlərdə türkləri, azərbaycanlıları öldürmüşlər, qırmışlar. İkincisi, gəlin, biz yenə tarixə baxaq. Ölkələr var idi ki, tarixdə on dəfə, iyirmi dəfə bir-biri ilə savaşmışlar. Amma bu gün onlar müttəfiqdirlər. Fransa ilə Almaniya Avropa İttifaqında aparıcı rol oynayırlar və onların müttəfiqliyini hamı görür. Bu millətlər, bu ölkələr o tarixi gələcək üçün, inkişaf üçün qapatdılar. Amma baxın Ermənistana, onlar öz gənc nəslini düşmənçilik ruhunda böyüdürlər”.
Ermənilərin “soyqırımı”nı qəbul etdirməklə təzminat istəyəcəklərini və Türkiyəyə qarşı torpaq iddiası irəli sürəcəklərini bildirən Prezident İlham Əliyev daha sonra demişdir: “Türkiyə və Azərbaycan bu işdə daha möhkəm mövqelərə malik olmalıdır. Biz müdafiə olunmalı yox, siyasi cəhətdən, təbliğat baxımından hücum etməliyik. Erməni təbliğatını ifşa etmək lazımdır. Onların yalan təbliğatını darmadağın etmək və dünya birliyinə həqiqəti çatdırmaq lazımdır.
Bölmənin digər xəbərləri
