ERMƏNİSTAN TƏRƏFİ ATƏŞKƏS REJİMİNİ NÖVBƏTİ DƏFƏ POZMUŞDUR
Müdafiə Nazirliyinin mətbuat xidmətindən AZƏRTAC-a bildirmişlər ki, iyulun 27-də saat 23.30-dan saat 00.00-dək Ermənistan silahlı qüvvələrinin bölmələri Berd rayonunun Ayqepar kəndinin şərqində və cənub-şərqində yerləşən mövqelərindən Tovuz rayonunun Əlibəyli kəndini və Azərbaycan Silahlı Qüvvələrinin kənd sahəsindəki mövqelərini avtomatlardan və pulemyotlardan atəşə tutmuşlar.
Həmin gecə saat 23.55-dən saat 00.10-dək Ermənistan silahlı qüvvələrinin bölmələri İcevan rayonunun Berkaber kəndinin 2,5 kilometr cənub-şərqində yerləşən mövqelərindən Azərbaycan Silahlı Qüvvələrinin Qazax rayonunun Qızılhacılı kəndi sahəsindəki mövqelərini avtomatlardan və pulemyotlardan atəşə tutmuşlar.
Cavab atəşi ilə düşmən susdurulmuşdur. İtki yoxdur.
Bölmənin digər xəbərləri
