Ermənistanda COVID-19 virusuna yoluxanların və bu xəstəlikdən ölənlərin sayı artıb
Tbilisi, 4 may, AZƏRTAC
Ermənistanda COVID-19 virusuna yoluxanların və bu xəstəlikdən ölənlərin sayında artım qeydə alınıb.
AZƏRTAC xəbər verir ki, bu barədə Ermənistanın Səhiyyə Nazirliyinin Xəstəliklərə Nəzarət və Profilaktika üzrə Milli Mərkəzi məlumat yayıb.
Mayın 4-nə olan məlumata görə, Ermənistanda daha 121 nəfərdə koronavirus aşkarlanıb, 4 nəfər bu virusdan ölüb. Ölənlərdən 3-ü kişidir.
Bununla da Ermənistanda virusa yoluxanların sayı 2507 nəfərə çatıb. Bu günədək ölkədə pandemiyadan 39 nəfər ölüb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
