Ermənistanda həkimlər kütləvi tətilə başlayıblar
Tbilisi, 2 noyabr, AZƏRTAC
Bu gündən Ermənistanda həkimlər və təcili tibbi yardımın əməkdaşları kütləvi tətilə başlayıblar.
AZƏRTAC xəbər verir ki, bu barədə Ermənistan mətbuatı məlumat yayıb.
Bildirilir ki, onlar əməkhaqqının az olmasına etiraz edirlər. Hələlik aksiya təkcə paytaxt İrəvanda keçirilir. Əgər hökumət təcili olaraq həkimlərin maaşlarının artırılması ilə bağlı konkret addım atmasa aksiyanın miqyası böyüyəcək və bütün ölkəni əhatə edəcək.
Təcili tibbi yardımın sürücülərinin böyük əksəriyyəti, artıq çağırışlara cavab vermirlər.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
