CƏMİYYƏT
Eşitmə qabiliyyətinə cavabdeh olan gen tapılmışdır
Bakı, 1 iyul (AZƏRTAC). Ser Qanq Rem adına hospitalın və Luisvill Universiteti nəzdində tibb məktəbinin alimləri insan beynində degenerativ proseslərin inkişafına və eşitmə qabiliyyətinin zəifləməsinə cavabdeh olan geni aşkar etmişlər. MMP-3 geni orqanizmdən kənarlaşdırılsa, koqnitiv pozulma və eşitmə qabiliyyətinin pisləşməsi göstəricilərinin inkişaf sürəti ləngiyəcəkdir. Bu gen hiperhomosisteinemiya ilə bağlı proseslərdə daha fəaldır. Xəstəlik zamanı qanda homosisteinin amin turşularının konsentrasiyası artır. Elə degenerativ proseslər də bununla bağlıdır.
AZƏRTAC xəbər verir ki, siçanlar üzərində aparılan bir sıra eksperimentlər bu məlumatı təsdiq etmişdir. Məlum olmuşdur ki, MMP-3 geni yaraların sağalmasını sürətləndirir, baş beynin fəaliyyətini yaxşılaşdırır.
Gen terapiyasından danışmaq hələ tezdir. Odur ki, alimlər hiperhomosisteinemiyadan əziyyət çəkənlərə B qrupundan olan vitamin preparatlarını qəbul etməyi məsləhət görürlər. Həmin preparatlardan istifadə sinir sisteminin qocalması prosesini yavaşıdır.