Estoniya koronavirus riski yüksək olan ölkələrə uçuşlara icazə verə bilər
Tallinn, 29 avqust, AZƏRTAC
Avropada koronavirusa yoluxma hallarının sayının artmasına və əksər ölkələrə uçuşların həyata keçirilməsinə tətbiq edilən məhdudiyyətlərə baxmayaraq, Estoniya hökuməti mühüm tranzit məntəqələrinə uçuşların reallaşması ilə bağlı güzəştə gedə bilər.
AZƏRTAC ölkə xəbər verir ki, bu barədə ölkənin İqtisadiyyat naziri Taavi Aas bildirib.
Nazir qeyd edib ki, hökumət bu məsələni müzakirə edəcək və böyük ehtimalla koronavirusa yoluxma götəricisindən asılı olmayaraq, Avropada müəyyən istiqamətləri açıq saxlamağa qərar verəcək.
“Bu qərar koronavirusa yoluxma göstəricisi çox yüksək olan ölkələrə şamil edilməyəcək. Belə ki, hər hansı bir ölkədə yoluxma halı hər 100 min nəfərə 25-dən az olarsa, Estoniyadan həmin istiqamətlərə yollanmaq mümkün olacaq”,- deyə nazir Taavi Aas əlavə edib.
T.Aas hökumət qərarınadək konkret ölkələrin adını çəkmək istəmədiyini, lakin iri tranzit qovşağı olan və Estoniyadan daha çox uçuşların həyata keçirildiyi ölkələrin nəzərdə tutulduğunu söyləyib.
Asiman Əsədov
AZƏRTAC-ın xüsusi müxbiri
Tallinn
Bölmənin digər xəbərləri
