ƏVVƏLLƏR MƏHKUM OLUNMUŞ ŞƏXSDƏN ODLU SİLAH VƏ NARKOTİK MADDƏ GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Əzizbəyov Rayon Polis İdarəsi əməkdaşlarının keçirdikləri əməliyyat tədbirləri nəticəsində Maştağa qəsəbəsinin sakini, əvvəllər məhkum olunmuş Hacıbala Abbasovun idarə etdiyi “QAZ-31029” markalı avtomaşından 2,73 qram tiryək aşkar edilmişdir. H.Abbasovun evinə baxış zamanı 1 “Revolver” markalı tapança, 1 “Vinçester” markalı tüfəng, 1 qumbara, 15 ədəd patron və 1 ədəd xəncər aşkarlanmışdır.
Faktla bağlı cinayət işi açılmışdır, araşdırma aparılır.
Bölmənin digər xəbərləri
