FACİƏLİ AVTOMOBİL QƏZASI
Yevlax rayonunun Xanabad kəndindən keçən avtomobil yolunda 4 nəfərin ölümü, 2 nəfərin ağır yaralanması ilə nəticələnən qəza hadisəsi baş vermişdir.
Dövlət Yol Polisi İdarəsinin 4-cü taqımından AZƏRTAC-ın müxbirinə bildirmişlər ki, dekabrın 7-də saat 21 radələrində Yevlax rayonu istiqamətindən yüksək sürətlə hərəkət edən, 45 VD 486 dövlət nömrə nişanlı “Niva”nın öz yolundan çıxaraq, qarşıdan gələn 45 VV 303 dövlət nömrə nişanlı “Jiquli” maşını ilə toqquşması bu faciəli hadisəyə səbəb olmuşdur. Təhqiqat aparılır.
Bölmənin digər xəbərləri
